خل اللي دري يدري

لو تدري الناس حبك وش مسويبي=ما عاتبتني علي دمعي ولا شعري
إن حل طيفك حبيبي زاد ترحيبي=واقول يامرحبا واهلين ياعمري
ياضيف قلبي ويا جملة معازيبي=ياصوت حزني وياحب الغلا العذري
لاعذربوك العباد اعشق عذاريبي=عذروبي انت الوحيد وسمعتي عذري
لو عاتبونى عليك الناس ماليبي=أصد واقول (خل اللي دري يدري)
ياطيب حبّك وانا فالحب ياطيبي=وسط الشرايين حبّك ممتلي يجري
والله احبك ويشهد عالم الغيبي=ماظني أغلاك قبلي واحد(ن) كثري
وإن كان صديت زاد الخوف والريبي=واحس فالضيق كنّه يمتلك صدري
لا تطري البعد وانت أغلا مطاليبي=الحزن بدري عليّه والجفا بدري
يابعد روحي حبيبي وانت تدريبي=إن الجفا ياحبيبي يمتحن صبري

المصدر: كاريزما التربوي - من قسم: | | ايقاع رذاذ المطر